Cristopher Wren, arquitecto, astrónomo e matemático inglés, naceu en 1632, baseaba a beleza dos edificios que construía na xeometría, a uniformidade e as proporcións, chegando a aplicar as regras do tratado de arquitectura de Vitrubio na reconstruccción dos templos da cidade de Londres tras seren destruídos por un incendio.
Contemporáneo de Newton, Robert Hooke naceu na illa de Wight en 1635. Interesouse por temas tan diversos como a bioloxía, medicina, astronomía, mecánica dos sólidos deformáveis, vida microscópica ou arquitectura. Utilizando o microscpio observou que as láminas de cortiza estaban formadas por pequenas cavidades poliédricas que lembraban as celas dun favo de mel. De aí ven o nome de célula. En astronomía formulou unha teoría sobre o movemento dos planetas e as súas observacións dos cometas levárono ao concepto de gravitación. En 1672, tentou probar que a Terra se move nunha elipse en torno ao Sol. Esas ideas serviron a Isaac Newton para elaborar a súa teoría da gravitación. Tamén discutíu con el durante décadas sobre a teoría da luz. Ademais, construíu telescopios cos que descubriu a primeira estrela binaria e elaborou a primeira descrición coñecida do planeta Urano.
